كَــــــــلبك صـــــــــار سجــــــــني

من طرف مشمشه السبت أكتوبر 03, 2009 4:21 pm

القضيه من اشوفك انحرف بيك
ولطـّخ بالعشكَ راحات اديه
يعني انت الجريمه البيها عانيت
ويعني انت الحكم صادر عليه

بنيان وبينتك فوكَ الرموش
صرت دمعة جفن تجرح بالخدود
خاملتك ردت بس امسح العين
لكَيتك بالنظر حيل انته مشدود

من غصبن عليه اعطش ولا جيك
وادريبه العطش يحتاجله الماي
حفرت ابين روحي بس الك بير
طلع عطشان بيرك يحفر وياي

يمر ليلك عليه وجنت اناغيه
وأحسبنه طفل وبحضني ايلوع
غفيت وهالطفل ما نام ساعات
يدور عالمخده ابين الضلوع

دورتك جنت كل ظني ناسيك
لكَيتك ويه روحي نايم سنين
كَعدتك ردت بس تلعب وياي
اول مالعــــبت اتبزني بالعين

عاشكَ بس خذاني الروج وياك
او راكَك سيطره ويطلب هويتي
طلعت الكَلب من صدري ملجوم
عـي اوما قراه وطلـــب ريـتي

من شافو جمالك يبهر الكون
يعني انته او جمالك ماله ثاني
حتى الشمس منك كَامت اتغار
بس صدّكَ طلعت اول اناني

كَلبك صار سجني بدون شباك
وصافن عل الوكت جي بيه محتار
شاملني العفو بس حاير اشلون
اطلع من جمــر حتى ادخل بنار